samedi 3 décembre 2011

تعب و حاجات اخرى

برد يضرب في العظم وظلام على القلب يغمّ ناس تحكي ناس تصيح ناس تبكي و ناس تضرب بالحجر .هي واقفة تخزر. خزرتها ضايعة هايمة. مش قالوا اذا الشعب يوما أراد الحياة فلا بدّ أن يستجيب القدر؟ مالا شبيه غدر؟ و بالسكّينة طعن؟ 
برد يضرب في العظم  ناس تحت الخيمة و ناس في البرد ترعش و سنّيها تترعد . هي واقفة تخزر . ,خزرتها ضايعة هايمة و مليانة بالغبن .عاشق حلفلها بالحب و غدر. ما فهمشي حبّها لتونس و بالخيانة تهمّها و هجر. ولاد بلاد يصيحوا يعيّطوا و يسبّوا في بعضهم و نساو حبّهم للوطن و نساو مشاكلهم و تشاتموا بالتهم ,
انت كافر 
انت صهيوني 
انت ماسوني
انت عميل
   انت بيوع  
انت متطرّف
انت ارهابي
واقفة تخزر خزرتها ضايعة هايمة و مليانة بالغبن و دموعها هابطة قطر قطر.تكبير غنا كورة و فيراجات مرسال خليفة و البحث الموسيقي و أغاني للوطن؟
تتنهّد تبكي تصيح تعيّط و تحبّ على راسها تغمّ الدنيا تدور الدنيا تدور  تدور تدور
 خوّنوها سبّوها شتموها.  قلبها يغمّ عليها تحسّ في روحها ضايعة الوجايع تخنق فيها
وهي واقفة تخزر خزرتها ضايعة هايمة و مليانة بالغبن
باردو 2 ديسمبر 2011 و البرد يجمّد 
 

2 commentaires:

  1. Vous ne me paraissez pas forte en Histoire. Il y a deux Histoires: l'Histoire oficielle, menteuse qu'on enseigne, l'Histoire ad usum delphini; puis l'Histoire secrète, où sont les véritables causes des événements, une histoire honteuse.
    Illusions perdues (1837-1843)
    Citations de Honoré de Balzac

    RépondreSupprimer
  2. I think this is one of the best blog for me because this is really helpful for me. Thanks for sharing this valuable information for free...
    packers and movers in gaya

    RépondreSupprimer

مجرد رأي

نحن شعب لا يتعظّ من ماضيه و لا يحفظ دروس التاريخ و كأنّني بنا شعب قصير الذاكرة أو دعوني أقول معدوم الذاكرة. تستهوينا بعض عروض التهريج في مج...