mardi 27 septembre 2011

الطرابلسية الجدد

 أملاك الأجانب مشكلتهم مشكلة خاطر برشة ناس يحبوا يغورو عليهم  قانونيّا لأولوية الشراء تمشي للناس الساكنة في المحل و تدفع في الكراء للدولة أمّا فمّة ناس جواعة ما تشبعش مالعقارات و الأملاك كيما الطرابلسية مثلا   يتصرّفوا بطرق ملتوية باش يفكّوا الديار للناس الي ساكنة فيها و بالتالي الناس الزواولة  يلقاو رواحهم فجأة قدام القوى العامة اللي جاية باش تخرّجهم و  الفيديووات الزوز اللي  باش تراوهم هوما مثال على بعض الحالات اللي هكة الفيديو من  انجاز حرية و انصاف أنا متسلّفتها سلف 









 




عائلة الطفلة هاذي ما هيش العايلة الوحيدة المتضررة برشة عايلات في الزهراء  و في بلايص أخرى تعاني في المشكلة هاذي و فمة حتى شكون مشى فيها من الغلبة و فمة شكون بلع السكينة بدمها و كلاها في عظامو الحاصل ولاّو عنّا طرابلسية جدد و الصفقات تتمّ تحت الطاولة كالعادة 

مريم اللي تحكي في الفيديو ما هبطتش ايديها خاصة اللي والدها توّفى مالغلبة و اليوم توجهت بالنداء للناس و فمة  كيما  شكون جا ساندها كيما الناس النظاف متاع الزهراء و الفنانة رجاء عمّار و السيد عبد الله القرّام عضو الهيئة المركزية لحزب العمال الشيوعي التونسي  و الطفلة هاذي مازالت تحارب خاصة الي هي عندها االأدلّة الكل اللي العقد اللي يستعمل فيه السيد اللي يحب يفك الدار مزوّر 












1 commentaire:

  1. I think this is one of the best blog for me because this is really helpful for me. Thanks for sharing this valuable information for free...
    packers and movers in zirakpur

    RépondreSupprimer

مجرد رأي

نحن شعب لا يتعظّ من ماضيه و لا يحفظ دروس التاريخ و كأنّني بنا شعب قصير الذاكرة أو دعوني أقول معدوم الذاكرة. تستهوينا بعض عروض التهريج في مج...