samedi 8 mai 2010

الى عمار


بربّي علاه هكّة واحد نهار نهارين و البلوغ مسكّر , بربّي براس الحنينة اعملولنا قايمة في المواضيع اللّي نجمو نحكيو فيها أنا شامتها قارصة لما حالة خاطر المواضيع كلّ ممنوعة حسب ما فهمت . تحكي على الفن تتصنصر. على الكوجينة كيف كيف . شنوّة شنوّة تحب تحط تصاور؟ ممنوع يزّي حرام ’ عمّار يحرقك بالنار . تحب تحكي على الطلبة؟ بجدّك و لاّ تفدلك ؟ تحطّ مقطع من كتاب ولاّ غناية؟ شبيه هو الكتب الكلّ يتقراو قلّل و دلّل أكثر من التداوي بالعسل و الأعشاب تحرم القراية , قلّو تاريخ و علم نفس و علم اجتماع و كتب سياية . نعم نعم الشيخ امام و مرسال خليفة؟ شبيك؟ يا سيد شدّ ببوشتك و يزّي بلا مشاكل. تحكي على مشاكل الكورة و العنف في الملاعب , شبيك لاباس ؟ مصلح اجتماعي سيادتك؟ تحب تحكي على الحفر في الكيّاس ؟ يبطى ما عنّاش حفر في الكيّاس يزّي بلا ريق بارد . عندك مشكلة مع الأمد ؟ لا ما تحكيش قدّام الناس و عاد شبيه المشاكل تصير في أكبر العايلات مش لازم ننشرو صابونا المسّخ هكّة قدّام اللّي يسوى و مايسواش الصوف يتباع بالرزانة و شبيه كان مستوى التعليم تكبّ ؟

أمّان بربّي بربّي براس العزوزة يا عمّار فسّرلي ووضّحلي فاسش نجّم نحكي راهو دليلي حار و النوم هجر عيني ,

2 commentaires:

  1. I think this is one of the best blog for me because this is really helpful for me. Thanks for sharing this valuable information for free...
    packers and movers in zirakpur

    RépondreSupprimer

مجرد رأي

نحن شعب لا يتعظّ من ماضيه و لا يحفظ دروس التاريخ و كأنّني بنا شعب قصير الذاكرة أو دعوني أقول معدوم الذاكرة. تستهوينا بعض عروض التهريج في مج...