انا مالنّاس اللّي تربّي الكبدة عالبلايص خاطر البلايص تصير فيها حاجات تنجّم تقعد محفورة فينا للأبد و تنجّم تخلّيلنا ذكريات مزيانة و لا خايبة . ديما نحبّ نرجع للبلايص اللّي نمشيلها و كي نحبّ بلاصة ديما نقعد نمشيلها و اليوكا من اكثر البلايص اللي نحبّهم خاطرها اكثر من بقعة متاع تفرهيد هي فكرة مزيانة و حلمة ووراها برشة حاجات مزيانين . نتفكّر كيما توّة أوّل مرّة مشيت لليوكا عامين لتالي باش نروّح بخليل و اليوكا مازالت في مرحلة الأشغال و التحضيرات شفت برشة شابات و شباب يخدموا يدهنوا و ينظّفوا و يزينوا و شفت ألوان و دراجح و حاجات مزيانة قاعدة تتصنع من حاجات بسيطة و فهمت اللي النتيجة باش تكون روعة .
و بعد كي حلّت اليوكا ولّيت نمشي ساعة ساعة حتى لين ولّيت مدمنة . غادي عشت برشة حاجات فيهم الباهي و فيهم الخايب غادي شطحت فوق الطواول و بكيت وحدي مع دبوزة غادي قابلت برشة مالطلبة اللي قريتهم قبل مشهد ما ننساهش انا و الطالبة متاعي في سهرية الكيتش العربي معنقين بعضنا و نبكيو و هي تقلّي لينا قدّاش نحبك خاطر عطيتني القوّة و علّمتني نكون أنا , غادي بست اللي تصوّرتو حب حياتي و تعاركت معاه عشرات المرة مرة نمشيو متصالحين و مرة متنابزين , غادي عرفت صحاب اخرين . في صيف العام الاوّل متاع اليوكا ياما سيّبت هبلات مع عادل و أمين و ولاء و برشة ناس و غالبا ما كنت نختم السهرية بحوايجي في البحر و لا في البيسين السنة عشنا غادي كاس العالم و سهريات الكيتش و شفنا برشة فنانين شفنا حفلات كبار و نتفكّر الكيتش العربي اللي جاء بنهارات الانتخابات اليوكا لمت اكثر اصوات شباب مالقايمات الكلّ .الناس اللي وراء اليوكا فهموا اللي احنا محتاجين فرحة و محتاجين أمل و اللي أحنا نحبّوا نعيشوا كيما احنا ماغير ما حد يفرض علينا اش نعملو ز ما نعملوش و شكون نحبو و ما نحبّوش و شنوة نلبسو و ما نلبسوش . اليوكا وراها التزا زادة و باش نحكي بالذات على المحيط في اليوكا les pailles en plastique ما عادش يستعملوهم و فمة فرز للزبلة
نكمّل احتفالاتي باليوكا و مع اليوكا بنص كتبتو نهار 24 جويلية بعد ما روحت ماليوكا : فمة بلايص عندهم روح فيهم حاجة تخلّيهم اكثر من بلايص و تخليك تصنع معاهم علاقة خاصة . اليوكا مالبلايص اللي نحس فيهم بالنوع هذا مالعلاقات . بلاصة كيما تنجّم تمشي ترتح فيها اعصابك على حافة البحر و انت تسمع في موسيقى رايضة كيما تنجّم تمشي تنّحي فيها غمة تشهرة في قالب هيجة . بلاصة ناسها محلاهم يفهموك من خزرة .صحابي يقوقلولي كي تمشي لليوكا تحيك ماشية للدار اي خاطر غادي نجّم نحس روحي مرتاحة كيما نمشي بشورت و شلاكة كيما نحط الحطة ما يقلقني حد و ما نسمع حتى كلمة مرزية خاطر كل فول لاهي في نوارو حد ما يقلق حد و حد ما يتلهى بحد . في اليوكا الحب ماهوش ممنوع مهما كان لونو و اتجاهو و جنسيتو و غادي الحياة تتجلى في احلى مظاهرها . نحبكم يا ناس اليوكا .
و بعد كي حلّت اليوكا ولّيت نمشي ساعة ساعة حتى لين ولّيت مدمنة . غادي عشت برشة حاجات فيهم الباهي و فيهم الخايب غادي شطحت فوق الطواول و بكيت وحدي مع دبوزة غادي قابلت برشة مالطلبة اللي قريتهم قبل مشهد ما ننساهش انا و الطالبة متاعي في سهرية الكيتش العربي معنقين بعضنا و نبكيو و هي تقلّي لينا قدّاش نحبك خاطر عطيتني القوّة و علّمتني نكون أنا , غادي بست اللي تصوّرتو حب حياتي و تعاركت معاه عشرات المرة مرة نمشيو متصالحين و مرة متنابزين , غادي عرفت صحاب اخرين . في صيف العام الاوّل متاع اليوكا ياما سيّبت هبلات مع عادل و أمين و ولاء و برشة ناس و غالبا ما كنت نختم السهرية بحوايجي في البحر و لا في البيسين السنة عشنا غادي كاس العالم و سهريات الكيتش و شفنا برشة فنانين شفنا حفلات كبار و نتفكّر الكيتش العربي اللي جاء بنهارات الانتخابات اليوكا لمت اكثر اصوات شباب مالقايمات الكلّ .الناس اللي وراء اليوكا فهموا اللي احنا محتاجين فرحة و محتاجين أمل و اللي أحنا نحبّوا نعيشوا كيما احنا ماغير ما حد يفرض علينا اش نعملو ز ما نعملوش و شكون نحبو و ما نحبّوش و شنوة نلبسو و ما نلبسوش . اليوكا وراها التزا زادة و باش نحكي بالذات على المحيط في اليوكا les pailles en plastique ما عادش يستعملوهم و فمة فرز للزبلة
نكمّل احتفالاتي باليوكا و مع اليوكا بنص كتبتو نهار 24 جويلية بعد ما روحت ماليوكا : فمة بلايص عندهم روح فيهم حاجة تخلّيهم اكثر من بلايص و تخليك تصنع معاهم علاقة خاصة . اليوكا مالبلايص اللي نحس فيهم بالنوع هذا مالعلاقات . بلاصة كيما تنجّم تمشي ترتح فيها اعصابك على حافة البحر و انت تسمع في موسيقى رايضة كيما تنجّم تمشي تنّحي فيها غمة تشهرة في قالب هيجة . بلاصة ناسها محلاهم يفهموك من خزرة .صحابي يقوقلولي كي تمشي لليوكا تحيك ماشية للدار اي خاطر غادي نجّم نحس روحي مرتاحة كيما نمشي بشورت و شلاكة كيما نحط الحطة ما يقلقني حد و ما نسمع حتى كلمة مرزية خاطر كل فول لاهي في نوارو حد ما يقلق حد و حد ما يتلهى بحد . في اليوكا الحب ماهوش ممنوع مهما كان لونو و اتجاهو و جنسيتو و غادي الحياة تتجلى في احلى مظاهرها . نحبكم يا ناس اليوكا .
Commentaires
Enregistrer un commentaire