dimanche 10 mars 2013

مقال في ضدّ السلطة : بن علي بولحية و الراطسة الكلبة



الشعب التونسي ساعات يبدا حنيّن و ساعات يضربوالساندروم دي ستكهولم يولّي يتوّحش في جلاّدو و ساعة ساعة يضربو
يوّلي يحنّ للّي سرقو و نهبوا و خنقوا و قمعوا و عذّبلوا ولادوا . الشعب التونسي كي تخنقوا النهضة يتوّحش التجمّع alzheimer
و كي يشوف المرزوقي يقول يا حسرة على أيّامات بن علي. تسيّبلوا كرتوشتين في الشارع يقلّك قمع البوليس و مدّان الرشوة ولا انعدام الامن و عنف بولحية
الشعب التونسي كي يخرجو الجبالي و يحكيلو على حكومة تقنقراط ينسى الخليفة السادس و الاشارات الربانية ينسى الرشّ على جال الوالي و ينسى و ينسى
التوانسة كي يشوفوا مورو قال كليمتين زعمة زعمة ينتقد في النهضة ينسى اللي السيد هو نفسو الموجود في مقطع فيديو و يحكي على انّو نشر الفكر الوهّابي اللي بالطبيعة هو يقدّم فيه على اساس انّو اسلام لازم يصير وحدة وحدة خاطر الشعب التونسي ياسرعلماني و لازم نستعملو معاه سياسة المراحل
كي يشوف العريّض يهبّط في دمعتين يسامحو و يراه رجل المرحلة و ينسى اللي هو المسؤول على دخول السلاح و على ضرب ال9 أفريل و قمع المتظاهرين مش مرة مش ثنين , ينسى الرش و الماتراك و ينسى الكذب و التونوفيق
كي نشوفو شوية دم و تتكبس السنتورة و تغلى المعيشة نحنّو لبن علي و نتمنّاو يرجع ننساو اللي احنا اللي خرجنا و قلنا خبز و ما و بن علي لا
برشة جاو سئلوني ما ندمتش اللي عارضت بن علي في وقت مالاوقات : لا يا سيدي ما ندمتش و مانيش باش نندم و ما عليكم كان تقراو تاريخ و تشوفو النكسات اللي صارت
في ميات بلاد و بلاد بعد ما طيّجوا الدكتاتور
و قدّاش من وقت احتاجوا باش يبنيوا و يشيّدوا و يطلعوا بالبلاد لا ما ندمتش خاطر لا نمّن لا بش مشومك لا يجيك ما اشوم و لا با في الهمّ عندك ما تختار نمّن بالخدمة بالمقاومة و بالخروج مالهم مهما كانت السبل
اللي خرّج بن علي يخرّج النهضة و اللي قال لا يعاود يقولها و اللي كان راقد يا يزيد يرقد يا يقوم ضميرو و يفيق و يقول لا و اللي قلب الفيستة ستانسنى بيه البارح كان تجمّعي اليوم ولاّ نهضاوي و غدوة عادي كان يوّلي ماركسي لينيني كان يشدها حمّة البلاد لذا ما غير ما نحكيو عليها الراطسة الكلبة هاذي
و اللي ضاربو النسيان و مطفي الضو على القمع و الحرمان وقيّت باش يفيق

#فيقوا

1 commentaire:

  1. bravo lina ;-) hedhéka c'est un le caractère des tunisiens. na7na dima metsem7in 7ata em3a elli e3mal em3ana el 5ayeb. na7na konna metsem7in 7ata em3a l'histoire emte3na, 3morna manchedo el 7e9d 3ala we7ed fissa3 manasew ...

    RépondreSupprimer

مجرد رأي

نحن شعب لا يتعظّ من ماضيه و لا يحفظ دروس التاريخ و كأنّني بنا شعب قصير الذاكرة أو دعوني أقول معدوم الذاكرة. تستهوينا بعض عروض التهريج في مج...