lundi 1 février 2010

ليكم


ما تصوّرتش روحي باش نعيش في وقت يترماو فيه الصحافيين و المناضلين في الزنازين
ما تصوّرتش روحي باش نعيش في وقت ما فيه كان التقطيع و الترييش
ما تصوّرتش روحي في زمان كلّو فرحة و أمان بطلبتو اللّي ورا القضبان
ما تصوّرتش الطالب يتسجن على خاطر حقّو في السكن
ما تصوّرتش الطالبة تتهان على خاطر حقّها في الأمان
ماتصوّرتش الوطنية باش توّلي تتقاس بالانجازات الكروية
ما ظنيتش الّي الديمقراطية باش توّلي تمثيلية
وماجاش لبالي إنّو الكرامة تتباع و تتشرى
ما كانش في بالي اللّي الانسان كي تكثر عليه الأحزان يولّي هكّة جبان
ما كنتش نعرف اللّي الانسان قادر باش يتاجر بالأوجاع و الأحزان
ما كنتش نصدّق اللّي الادميين هكة مليانين بالترهدين

1 commentaire:

  1. juste pour le plaisir de te dire bonjour ,et te faire la surprise d'être le premier à écrire sur "bneya tounsiya".....Bisous et bon courage :il n y a pas d'autre choix ni d'autre voie que de continuer à se battre....

    RépondreSupprimer