jeudi 4 février 2010

سيّبولنا بانديتنا

اليوم الدنيا مقلوبة برّى قول عندها جمعة مقلوبة خاطر فمّة و احد شخصية جاي لحانوتنا عاودو دهنوا الشبابك و الحيوط و غسلوهم واحد واحد ملّيماتر ملّيماتر. عشرات مالخدّامة مجنّدين. , و هاكة الجماعة الباندية المشاغبين متاع تعطيل حرية الشغل و الاعتداءات بالعنف و الاعتداء على الأخلاق الحميدة قرّروا باش يفّسدوا الفرحة , قاموا عاملين فضيحة و يحبّوا يبلبزواالعرس و هوما ملمومين هام استشهدوا بفلاسفة هام استشهدوا بشعراء هام جبدوا مصطلحات غريبة من ضرب كلمة ديمقراطية و كرامة و عدالة و حرية وجيبلك من هاك الاّوي . أمّا ستنّا عاد قبل ما نكمّل نحكي على هالمفسدين خلّيني نوصف الحالة قدّام الحانوت يا حويا أنا وصلت و قلبي طاح شفت كائنات غريبة, هاو الراس قلصّات , و همّا ملمومين بالعشرات و فمّة برشة أنواع.الحاصل خلّينا نرجعو للحانوت قلنا دخلت نلقى هاك المشاغبين قلبينها هاو ديمقراطية , هاو عدالة , هاو حرية هاو خرجولنا بقية بانديتنا من الحبس, تقول الدنيا مسيّبة هي . طلعت لفوق نلقى وحدة زميلتي هايجة مايجة و عاطية ما عندها تسبّ في الباندية اللّي لوطة و قتها رحّمت على والديها و عرفت المشكل وين.

Aucun commentaire:

Enregistrer un commentaire

مجرد رأي

نحن شعب لا يتعظّ من ماضيه و لا يحفظ دروس التاريخ و كأنّني بنا شعب قصير الذاكرة أو دعوني أقول معدوم الذاكرة. تستهوينا بعض عروض التهريج في مج...