جاي منين
من دروب الصحرا هازز هم حزين
احكيلي و خلي الدمع يسيل
كلامي رياح و حملي ثقيل
كلامك ذكرني بوجيعة
ذكرني بحبسي إلي عايشة فيه
صوتي تحصر و سمايا ما تصفاش
وقتاش نتبع القطيع و نقتل هلحساس
فيبالي وحدي إلي شفت الهم لساني بحقي تكلم ماني مسلم
ما تبكي يا بنت أمة امسح دمعك لاش تخمم علاش تخمم
و ماكش وحدك إلي شفت الضلم لسانك باش يتكلم عمرك ما تسلم
فينا إلي جاع و فينا إلي قرس فينا إلي طمع و بات يعس
فينا إلي غاب و صوتو تحبس و فينا إلي سرق و فينا إلي غص
و فينا إلي رضع و فينا إلي لحس و فينا طلع و عل كرسي يبس
و فينا إلي يصيح و لسانو يتقص و فينا إلي سكت و قلبو تحمص
و فينا ذيوبة و كلاب و بقايا ماتوا فالحبس
على شكون نلوم إليوم الدنيا بالعكس
و فينا قمل و سبان و نوار تغفص بالعفس
فينا حنوشة و عباد اللطف و برى مالشر
عالم خرشي خلالي غصة ما توفاش
سدتلي النفس و مالدم بدني و قلبي قعدو بلاش
و فينا ذيوبة و كلاب و بقايا ماتوا فالحبس
على شكون نلوم إليوم الدنيا بالعكس
je l'adore cette chanson
RépondreSupprimerune collection des chansons de Emel Mathlouthi:
http://www.mirakus.com/category/emel-mathlouthi