الكارتي هو الحل

 المدة لخّرة  شفنا برشة هزّان و نفضان في تونس و  خاصّة على الشبكة الافتراضية  برشة فتاوي برشة اقامة حدود و اباحة  دماء و دعوات للقتل و التقتيل ; و قطع اليدين و الرجلين من خلاف  و هذا الكلّو بالطبيعة باسم الاسلام و المحافظة على الهويّة العربية الاسلامية   و من ناس لا علاقة لهم بالاسلام بمعنى سوّد وجهك ولّي فحّام و اخرج افتي على الشعب . اما كي نركّزو في الحكايات هاذي الكلّ و في نوع السبّ اللي قاعدين يستعملو فيه أصحاب النفوس المريضة الذي يدّعيو في حماية الاسلام نلقاو اللي المشكلة في الجنس بالعامية التونسية النيك    و في المراة  . الناس هاذم من نوع اللي ما يلحقش على العنبة يقول شبيها قارصة  ناس شايحين و  مكحوتين و مكبوتين  و محرومين . تي هي حكاية العبدليّة كي تجي تشوفها قيّمت البلاد و ما قعّدتهاش على  خاطر فرفور و كلسون.اي اي المشكلة الكلّ و حرقان مراكز و تكسير و ضارب و مضروب على البزازل و الفرافر   .هاذم جماعة الصابونة الخضراء جماعة مادام لامان عمرهم لا شمّوا ريحة الانثى . هاذم هاك اللي نهارين قبل ما يسيّب اللحية و يلعبها سلفي و متديّن و يوّلي يعطي في الحكم و المواعظ كانوا معلّقين تصاور متاع بلاي بوي و باميلا اندرسن في مايو في البيت و تلقاه يكحّل عليها و يجبد فيها  و يسبّ في الوقت اللي حرمو من شخطورة كيف اللي يرى فيهم في التصاور .يعطيها حويرة بيرة و لاّ يدوّر سيقارو تحت الحيط في الحومة و كي تتعدّى بنت الجيران ينسى حتى اللي هي اخت صاحبو اي اي خاطر الجماعة هاذم عادة ما يتفاداو التبزنيس على خوات صحابهم وولاد حومتهم  اما عادي كي تتعدّى برّانية يسمّعوها وسخ وذنيها و هي لا عملت لا يدها لا ساقها و  يبدى يرمي في الكحل على الزعك و الترم و يتصوّر روحو غاطس في اللحم  . يا و الله سقيطة اوه اوه كان نستفرد بيها لما نقّطعلها شفايفها  الفوقانيين و اللوطانيين   ... 

الرهوط  هاذم اليوم  بعد كاريار سنين متاع طحين و تكركير و تبزنيس و براكاجات و خطفة و نشلة و سوق سوداء قرّروا باش يوّليو يوعظوا في الشعب تي لا ولاّو يمثّلو في ربّي على الارض كاللي هو يستنّى فيهم. الجماعة هاذم  كي يجي يسبّك زعمة زعمة دفاعا على الاسلام  يجيك يقلّك يا قحبة يا ملهط اوه كان نشدّك لما نحّطلك فيه عصا و نبدى ندخّل ندخّل و لا ّ يجي يقلّك يا قحبة ما تصلح كان للنيك و هذا كلّ و هو يقدّم في روحو على انو شريف ولد الفاضل و هداه ربي باش  يدافع على الاخلاق و يحمي الدين

 

 والحاصل الجميّعة هاذم يتبّعلك قنوات الجهل و التخلّف متاع الخليجيين نهيّرين هاوكة شوية اقرا على شوية قناة الناس

 و شوية فتاوي و تخاريف شيوخ . هاكة جماعة الشيب و العيب اللي مشكلتهم في المرا و ترمتها و بزازلها و  فرفورها و البنان و الفقّوس و فورمتهم .  في هاو التالون  و الماكياج حرام  خاطر يهيّدوا الرغبة متاع الحيوانات الجنسية المكحوتة اللي كيفهم .في هاو الطفلة ماتقعدش واحدها مع بوها خاطر ينجّم يشتهاها . بربّي حيوانات؟  عادة بخلاف  بعض الحالات المرضيّة   ما نتصوّرش بو يقوم يشتهى في بنتو تي هيكة مرتو مالا حكايات  مقحولة يحكيو فيهم

المهمّ الواضح اللي الجماعة هاذم داهم في زبوبهم و في الفرفور و لذا باش نرتاحو من بلاهم ما فمّة كان حلّ واحد وهو بناء برديل اي  كارتي او ماخوركبير  كيما عبد الله قش و اللي فمّة داعية  خليجي افحمنا بوصفو ليه في فيديو مالفيديوات تي شبيك يا صاحبي خبرة راهم الجميّعة ؟ و نبعثوهم غادي يتداواو و يحلّوا مشاكلهم الجنسية  نبعثوهم يفرهدو الماتريال فمّاش ما يفكّوا علينا من حكايات  القحب المريّش و البنان وفورمتو و المرا وبزازلها و   كلسونها

توضيح جلّ الكلام الموجود هنا و الذي استعملته ماخوذ من تعاليق أجدها يوميّا على صفحتي و يستعملها ناس يدّعون الحفاظ على الاخلاق و الدفاع عن الدين  .