هذيان

ناسك ماهم مرتاحين و عبادك ما هم فرحانين

في الهم راهم  غاطسين وفي التعب  راهم عايشين

الوجايع تاكل فيهم و الحزن مالي عينيهم

البطالة والجوع في كلّ مكان وولادك عايشين في الحرمان

يحكيو على الأمن و الأمان و مارينا كان الهم و الأحزان

ولادك  مالجوع  و مالبطالة هاربين في فلوكة حارقين

فيهم اللي مش خالط على قدمة وفيهم اللّي برد و تعرّى

فيهم  اللّي باع الهمّة و فيهم اللّى على جال المبدأ مشى ما ولّى

فيهم اللي شهق ما لحق  و فيهم اللّي بالسرقة  تهنّى

فيهم ناس خاطيهم و فيهم ناس الشرّ مالي عينهم

فيهم الضارب و فيهم المضروب فيهم العافس و فيهم المعفوس