تخلويض ليلي

مطر مطر مطر  اما اول مرة صوت المطر في عوضما  يبّردني يدّفيني الليل طويل و انا ما غمضتلي عين فاش نفكّر؟ فاش سارحة؟ ما عندي حتى دراية

اليوم كي مشيت لتونس و ريتهم في كل بلاصة خفت و في الاول ما صدقت  ياخي شصار؟ ياخي كنت نحلم؟ كان ما جيتش في الشارع و الناس دايرين بيّا راني صرفقت روحي بكف و لاّ زوّيز فماش ما يرجعلي شاهد العقل و  بما انو سخطة و لاّ مصيبة  ما تكفيش و انا مرّوحة شفت كرهبة ترعب  هاك اللي مانشوفوهم كان في الافلام و لاّ عند الطرابلسية و البلاكة هي هي تزف في الطريق و مولا الدار مش هنا قلت شنوة النهار الكلب زعمى بالحق ولا نحلم تي علاه هكة شبيها الحكاية حلمة و فيسع ما تتعدّى ؟ تي شبينا في ثورتنا فيسع ما سلّمنا؟ شبينا بكلمتين تخدعنا؟